गणित अंकज्ञान उपक्रम

आज इयत्ता पहिली ते तिसरी वर्गासाठी गणित विषयाची एक अ‍ॅक्टिव्हीटी घेतली प्रतिसाद एकदम मस्त.
छोट्या पुठ्ठ्यावर 1 ते 9 अंक पेंट करून घेतले. नऊ मुलांना नऊ कार्डबोर्ड दिले. एक ते नऊ पैकी कोणताही एक अंक उच्चारला तर ज्या विद्यार्थ्याकडे तर तो अंक असेल तो विद्यार्थी उठून थांबेल.
नंतर 12, 54, 35 असे अंक उच्चारले की दोन विद्यार्थी तो अंक बनवले. चुक झाली तर पुन्हा एकदा संधी दिली. 
नंतर मुलांना मी अंक सांगितले व ते त्यांनी ते तयार केले. या छोटय़ा उपक्रमात मजा आली व शिकण्याचा आनंदही. उद्या 100 च्या पुढे..............!
धन्यवाद!
शिक्षकमिञ राजेभोसले

माझा शब्दसंग्रह 1

दिवाळी

चांदोबा तुझ्या घरी रोजच दिवाळी

पणत्या दिसती मला रोज आभाळी

    लाडू, चकल्या करते का तुझी आई

    फराळाला येऊ का मी आणि ताई

उटणे लावून करु आपण दोघे स्नान

ताई काढेल रांगोळी अंगणात छान

    फुलबाजी आणि फटाके उडवायचे का

    आवाज करुन ताईला चिडवायचे का

मोठा आकाशकंदील आपण लावू या

दोघे मिळून आनंदाने गाणे गाऊ या

                     -------सुनिल पवार

सवंगडी

कावळेदादा, कावळेदादा एकटा आहे मी घरी
किती दिवस झाले तू आला नाहीस दारी

चिऊताई चिऊताई जाऊ नकोस लांब
दाणे देतो, पाणी देतो इथे जरा थांब

खारूताई खारूताई दिसत नाहीस आता
शोधून काढीन तुला तू दे मला पत्ता

नाजूक साजूक फुलपाखरू गेले कुठे रुसून
हात लावणार नाही त्याला लांबून पाहीन बसून

कबुतरा रे कबुतरा माझा मित्र बनशील का ?
आठवण काढतोय बाळ आईला निरोप देशील का ?
      
                      ......सुनिल पवार